ट्रमा सेन्टरको अपिल : ‘बिरामी छटपटाइरहेका छन्, कसैले अक्सिजन सहयोग गरिदिनुहोस्’

Uncategorized

काठमाण्डाै – राष्ट्रिय ट्रमा सेन्टरले अक्सिजन अभावले एक सय पाँच जना बिरामी छटपटाइरहेको भन्दै सहयोगको अपिल गरेको छ ।

बिहान आठ बजेदेखि अक्सिजन पुरै ठप्प भएकोले बिरामी छटपटाइरहेको कोरोना व्यवस्थापन समितिका सदस्य भुवन केसीले रातभरि विभिन्न ठाउँमा गएर अक्सिजनको जोहो गर्ने प्रयास गरे पनि सफल नभएको जानकारी दिनुभयो ।

उहाँले बिरामी बचाउन मुस्किल भइरहेको भन्दै सहयोगको अपिल गर्नुभएको छ । ट्रमा सेन्टरमा भर्ना भएका सबै बिरामीलाई हाइ फ्लो अक्सिजनको जरुरी छ । ट्रमा सेन्टरका निर्देशक सन्तोष पौडेल र कोरोना व्यवस्थापन समितिका सदस्य भुवन केसीले रातभरि विभिन्न ठाउँमा गएर अक्सिजनको जोहो गर्ने प्रयास गरे पनि सफल नभएको जानकारी दिनुभयो ।

ट्रमा सेन्टरले अक्सिजन ल्याउने शंकर अक्सिजन उद्योग बालाजुमा रातभरि कुर्दा पनि अक्सिजन पाउन नसकिएको उहाँको भनाइ छ । ट्रमा सेन्टरमा दैनिक चार सय सिलिण्डर अक्सिजन चाहिनेमा सीसीएमसीले १ सय ५० वटाको कोटा तोकिदिएको छ, त्यै एक सय ५० वटा सिलिण्डर पाउन पनि मुस्किल रहेको केसीले बताउनुभयो ।

Leave a Reply

Your email address will not be published. Required fields are marked *