सीएमसीमा नेपालमै सबैभन्दा धेरै कोभिड आईसीयू सेटअप, १४९ संक्रमितको उपचार हुँदै

राष्टिय समाचार स्वास्थ्य

चितवन, बैशाख २५


चितवन मेडिकल कलेजले नेपालमै सबैभन्दा धेरै १८३ बेड कोभिड आईसीयू सेटअप तयार गरेको छ ।

कलेजका प्रबन्ध निर्देशक प्रा.डा. हरिशचन्द्र न्यौपानेले सो जानकारी दिए । उनले कोभिडको २५३ बेडमा अक्सिजनको सेटअप भएको पनि बताए ।

राजधानी काठमाडौंसहित देशका विभिन्न भागबाट हेलिकोप्टरमा चितवनमा कोरोनाका गम्भीर बिरामीहरू ल्याउन थालेकोले अहिलेको सेटअपले धान्न नसक्ने हो कि भन्ने चिन्ता थपिएको डा न्यौपानेले बताए ।

चितवन मेडिकल कलेजमा अहिले १४९ जना कोरोना संक्रमित बिरामी राखिएका छन् । अधिकांशलाई अक्सिजनको सपोर्टमा राखिएको न्यौपानेले बताए । तीमध्ये आधाभन्दा बढी चितवनभन्दा बाहिरी जिल्लाका बिरामी हुन् ।

Leave a Reply

Your email address will not be published. Required fields are marked *